صحّة شريبتكم
ريتـُو كي دوّرناها شعر شعبي كيفاش ما جاب حَدّ الجواب الصّحيح ؟
هو في الحقيقة ما نلومش عليكم ياسر أما كنتـُو تنجّمو تبربشو و تسألو و لكنّي نلوم على ولاد الجنوب - و نستثني منهم أبو ناظم بالطبيعة- خاطر هو مولى الأفكار شكلا و مضمونا
الحلّ
من مصطلحات المنسج الغزَلْ و هو الخيط و النـَّايِرْ هو ما دخل في النـِّيرَة أيْ خيوط التخبيل و الحَايِفْ هو ما خرج عنها و أفسد النـَّسج
و توّه هاني باش نقدّملكم لغز أسهل شويّة
يقول الشـّاعر
ثمّة ثلاثة يكرهو جَيَّاني ضَوّ القمَرْ و الكلبْ و الشـِّيبَاني
ما المُشترَك بين هذه العناصر الثلاثة يكرهه الشاعر و عْلاشْ ؟
