قدّاش كتبنا و تكلّمنا كلّ ما تتحجب مدوّنة ، نتحاماوْ في الرّاجل فُـمْ فُمْ لا نخلّيوْ و لا نبقّيوْ كتيبة و تصاور و كاريكاتور حتّى من الشعر الهجائي تكتب فيه . هذا الكلّ زعمة ما تغشّش حتّى مرّة ؟ ما طلعتلوش الكلبة بنت الحلّوفة ؟ ما غاضتّوش روحه ؟ كلّه دمّ بارد ؟؟؟
يا ذنوبي كان فمّة بشر يحمل هذا الكلّ إلاّ إذا كان كائن خارق خرافي و ما ظاهرلي فمّة منهم كان في القصص
أما يظهر فينا غالطين في الرّاجل ، أنا يظهرلي ثقافته أجنبيّة و ما يفهمش بالعربي و احنا ظالمينه . هو لامحالة أحنا ماناش فاكّين عالكتيبة بالعربي بالسّوري بلغة البكاكش موش مهمّ المهمّ نعبّرو على رفضنا التامّ لكلّ أساليب الحجب
6 commentaires:
ولادة
برافو على ما دوّنت لكن صاحبنا كارثة un tueur en série
مهووس بشيء اسمه لا للمثقف لا للمنطق لا للنور
خفاش قرّر أن يعيش في ظلمات الكون أو الآلة ولكنّ الضحية واحدة مع الأسف وهي حريّة التعبير والتقدّم بهذا البلد
أهلا باخوس
و أنت نسيت إلّي أحنا مهووسين زادة بالكتابة و التعبير ؟ المقصّ موجود صحيح لكن حتّى الأقلام موجودة
لووووول، قلك عمار يمن بمقولة : اذا جاءتك مذمتي من ناقص ، فهي الشهادة لي
بأني كامل
يا واللدة، عمار راسو يوزن 100 كغ مل بخص
عرفو اسب، و المدونين اسبو
عمّار من النوع اللّي غاسل وجهو في وادمجردة لا يهمو لا بخس لا سب أمّا كيما قلت انت يا ولادة هو مهووس بتخديم المقص و أحنا مرضى بالكتيبة
Ce qui est sur, c'est qu'avec nos mots nous sommes plus forts et lui le censeur plus petit.
Oui écrivons, en arabe dialectale, littéraire et dans toutes les langues du monde notre indignation et notre refus de cette méprisable pratique.
Vive la créativité et la liberté d'expression.
مرحبا خان
فكرتك في تدوينتك الأخيرة عجبتني برشة و في الحقيقة نطبّق فيها مع التلامذة و هي إنّي نعرض صورة و نخلّي كلّ واحد ينتج فيها نصّ من محض خياله و ما عندكش فكرة قدّاش تتطوّر الأحداث و قدّاش الوصف يولّي دقيق
و فمّا غيرها برشة تطبيقات ممتعة و محفّزة على الإبداع
Enregistrer un commentaire