آش نحبّ نكون

لو كان جيت شجرة نحبّ نكون زيتونة ورقها أخضر طول العام و قلبها اكحل حزين*
* لو كان نبتة نحبّ نكون سبولة قمح المليانة راسها هابط للأرض و الّي راسها شامخ للسّماء هاذيكة الفارغة
* لو كان جيت غلّة نحبّ نكون عنب مسكي بلاش قلوب ما يتلوَّح منه شيء و العنب منين تدوّره يدور
* لو كان شخصيّة تاريخيّة تمنّيت نكون زنوبيا ملكة تدمر
* لو كان جيت شخصيّة قصصيّة نحبّ نكون آنّا كارِنِينْ
* لو كان جيت مكان يا ريتني شُرفة في سيدي بوسعيد ورايَ التاريخ و قدّامي البحر
* لو كان جيت قصيدة نحبّ نكون قصيدة المتنبّي ليلة فراره من سجن كافور بمصر
عيدٌ بأيّة حال عدتَ يا عيدُ - بما مضى أمْ لأَمرٍ فيك تجديدُ
أمّا الأحِبَّةُ فالبَيداءُ دُونَهُـمُ - فليتَ دونَكَ بِيدٌ دونَها بِيـدُ
يا ساقِيَـيَّ أخَمرٌ في كؤُوسِكُمَـا - أمْ في كُؤوسكما همٌّ و تسْهِيدُ
أصَخْرَةٌ أنا ما لي لا تُحرِّكُني - هذي المُدامُ و لا هذي الأغَاريدُ
إذا أردتُ كُمَيْتَ اللّونِ صافيةً - وجدتُها و حبِيبُ القلب مفقُودُ
* لو كان جيت أغنية هوني الاختيار صعب تمنّيت نكون المرأة الّي أبدع عليها الهادي الجويني كلّ أغانيه