vendredi 1 mai 2009

علاش ديما اللّوطة ؟


قدّاش نسبة الطّياح و الهبوط في مخيالنا الشعبي ؟

يقلّك فلان طَاحْ ما في عينه بَلَّة
فلان طاح على قلاقمه
طاح جا ماخذ طوله
طاح بفرصة هايلة
فلان يجري عالطّياح
فلان طاح على ركايبه
الحكومة الفلانيّة طاحت
طُحْت بكريهبَة أوكازيون
طاح راح
أيا سامح خوك و طاح الكفّ على ظلّه
فلان طاح للفساد
يقلّك الخدمة و الشّقا طيّحوني
هاني هَابط لتونس
يقلّك مالبرُودَة فمِّي هبط دُقداق
تعاركو هبطو ريش
فلان هَبِّط موبيليا جديدة
حتّى أحنا المدوّنين نقولو هبّطتْ بوستْ

غرام كبير بالعالم السّفلي و كلّ ماهو اللّوطة

12 commentaires:

لاعب النرد a dit…

ونقولوا هاك الغلة طاحت: طاح التوت مثلا
و نقولوا ربي يطيحنا باللي خير منا
ونقولوا فلان طيح على فلان (في حاجة من (الحاجات
...أما ما نتصورش كان حكاية " عالم سفلي"ـ

ferrrrr a dit…

ايا انهبطو تعليق، "فلان طاح للفساد"، ياخي بش يقول طلع، ارتقى، وصل، تألق و نال الفساد؟ اسمع اشني الكريهبة اوكازيون اللي طحت بيها؟

Al-Hallège a dit…

ويقولوا فلان هيط هبطة واحده: دليل النوم العميق
ويقوا أيضا فلان هبطْ لــلــبــيــر و طلعوه : دليل انه وقع انقاذه في آخر لحظة

WALLADA a dit…

لاعب النّرد

قصدت ب " العالم السّفلي " كلّ ما هو اللّوطة في الأسفل يعني

فررررررر

نراصد في كريهبة شبيه جات ليّ أنا و ولاّت غريبة ؟

الحلاّج

هذه نسيتها ، باهية طاح في البير و طلّعوه

WALLADA a dit…
Ce commentaire a été supprimé par l'auteur.
bent 3ayla a dit…

/ربي يطيح بينا ما خير منا/ طاح م الفرش/ طيحلو الماء في ركايبو/
و اللطف عليك م الطياح

WALLADA a dit…

بنت عايلة

يعطيك الصحّة على الإضافة و فمّة زادة أنت طحت للمصروف طحت ههه

abounadhem a dit…

حتى ها ني هابط لتونس يا ولادة

WALLADA a dit…

أبو ناظم

أيا مرحبا بيك في المدوّنة أما تونس للجميع

توّا أنتوما في الجنوب ما تقولوش هاني طالع لتونس ؟ ههههههه

explosiv a dit…

فلان يطيح في فلانه
فلان لفلان في عركة: أيا اتطيحلي؟
طاح ما في عينو بله
طايح مالسلوم
طايح مونك(manque)...

et plein d'autres :D

Soufiene a dit…

شوف يا ولادة أنا نعرف مقاول كل ما يشري حاجة، كرهبة، و إلا كميون، و إلا تراكس، العباد يبداو يحكيو في القهاوي هاو فلان المقاول هبّط هاك الحاجة

حاصيلو، خونا المقاول فلس و اللُوسي خلالو دارو، عاد نهار نسمع فيه يحكي، قالك أنا كل ما نشري حاجة العباد تبدى تحكي هاو هبّط هاو هبّط لين هبطولي السروال، و بالفعل يا ولاده، هبطولو السروال

wfamoriena a dit…

Hahaha Great end up!!
hana ellouta w mellouta matla3néch!
le "louta" qu'on atteint n'est jamais suffisant, et on va encore plus bas..
Dommage!