lundi 9 février 2009

حذار من انقسام الفضاء التدويني إلى نساء و رجال..الشتم ليس لغة حوار

كنت قد نبّهت أكثر من مرّة و في أكثر من تدوينة إلى خطورة انحدار لغة الخطاب و الحوار إلى مستوى يستحيل معه كلّ تواصل ، و وافقني على ذلك الجميع لقناعتهم أنّ القذف و السّباب و الكلام البذئ لا يمكن و لا بأيّ حال من الأحوال أن يعوّض مناقشة الرّأي ببديله و المحاججة بالدّليل المقنع و أنّ الفكرة هي المِحَكّ الوحيد الذي نحتكم إليه جميعا و هذا هو المفروض و المنتظر لاسيّما أنّ جلّ المدوّنين على قدر هامّ من المعرفة و الثّقافة و مرّوا بتجارب صقلت نظرتهم للحياة و جعلت منهم مراجع للشّباب . كما أذكّر أنّ تدنّي لغة الخطاب لا طائل منها سوى تسميم فضاء التدوين ، هذا الفضاء الذي حاربنا من أجل بقائه و حريّته و إشعاعه فنحن لا نكتب لأنفسنا ، لنا قرّاء من مختلف الشرائح العمريّة و من كلا الجنسين و من بلدان أخرى عدا تونس ، أفهذه هي الصورة المشرّفة التي تعكسها البلوغسفار
؟
طيّب ، لا أنكر أنّ لغة التدوين قد تحسّنت كثيرا مع بقاء بعض المشادّات الكلاميّة التي قد تحصل بين المدوّنين هنا أو هناك من حين لآخر ففي نهاية الأمر أنا لست في موقع الشرطي أو الضمير ما أنا إلاّ واحدة منكم لفتّ الانتباه بكلّ ودّ لثـقتي بتفهّم الأصدقاء و انتهى الأمر.
و لكن ، أن يتوجّه مدوّن رجل بكلام مخجل و نابي لمدوّنة أمرأة فهذا ما لا أقبله كآمرأة أوّلا و كمدوّنة ثانيا ثمّ كتونسيّة بالأساس تعتزّ باختلاف الرّجل التونسي و تميّزه عن سائر الرّجال في البلدان العربيّة ثقافةً و تمدّنًا في التعامل و انفتاحًا و إيمانًا بحقوق الإنسان . و قبل أن أفـْهَمَ خطأ فأنا لا أتولّى الدّفاع على أحد كما أنّي لستُ مع تهجّم المرأة على الرّجل أيضا فنعت شخص بالغبيّ (هنا) في حدّ ذاته اعتداء على ملكته الفكريّة و انتمائه مهما كان مختلفا ، أمّا أن ننعت امرأة بكلمة أخجل من ذكرها [ م/ل/ه/ط] – إجمعوها وحّدكم- فهذا يتجاوز الاعتداء على فكرها إلى الاعتداء على شخصها و هذا لا يجوز . يكفي أنّك لم تناقشها في آرائها و وجهة نظرها و اكتفيت بشتمها فهذا إقرار صريح منك أنّها ليست نِـدًّا لك و لا شريك فعلي كما تفرض أبسط قواعد حقوق الإنسان التي ننادي بها جميعا على أساس أنّ المرأة إنسان و مواطنة و ليست مجرّد أنثى ترتبك إذا اتّـكأنا لها على العِرض ، بل أعتبرتها مجرّد امرأة فلتتحدّث في الفنّ و الموضة و الطبخ أمّا المواضيع الكبرى فعقلها سريع العَطب فيها و لا تستحقّ منك ردّا و تحليلا و نقاشا و أنت في هذا لا تختلف كثيرا – و إن لم تقصد – عمّن يراها زينة و مصدر متعة أو عورة و ناقصة عقلا و دينا و هذا خطير جدّا لأنّ الخطوة الآتية و التي أتمنّى ألاّ نبلغها ستكون انقسام الفضاء التدويني إلى شقّين رجال و نساء و ياخيبة المسعى ، لأنّنا عندما نرهب المدوِّنة بالشتم فستحجِم كلّ واحدة عن الكلام في المسائل الأساسيّة خوفا من اعتراض أحد الرّجال و تهجّمه على شخصها مادام الباب قد فُـتِحَ ، و سنجرّ عن هذا أن نعود سنوات إلى الوراء و لا يبقى أما المرأة إلاّ الحديث في السّخافات أو الصّمت إيثارا منها لسلامة شرفها و شخصها . أهذه إنجازات خمسين سنة من الاستقلال ؟ لا أظنّ أنّ أيّ تونسي حرّ يوافق على هذا الوضع .
لذلك أدعو أصدقائي المدوّنين كلّ أصدقائي رجالا و نساءً بمختلف اتّجاهاتهم إلى ضبط النّفس و تحكيم العقل و نقاش بعضنا البعض بعيدا عن الذاتيّة و لنجعل الاحترام المتبادل سيّد كلّ المواقف فهذا الفضاء التدويني إنجازنا و متنفّسنا فلا تسمحوا أن يتحوّل إلى جحيم و أنا على ثقة تامّة برجاحة عقول كلّ المدوّنين و علوّ أخلاقهم و دعوني أذكّركم أنّ هذه السّنة مصيريّة لنا جميعا : نكونُ فيها أو نُدَاس فلنواجهها متكتّلين ففي فُرقتنا ضعف فهل ستسمحون بذلك و أنتم الأقوياء ؟

26 commentaires:

bent 3ayla a dit…

بصراحة غريبة و عندك الحق تكون محموصة.
كل مرة الشرخ يزيد، هاو ملحدين و مسلمين، هاو وطنيين و غير وطنيين اما وصلنا لهكا.. غريبة!

Gouverneur de Normalland a dit…

bravo wallada

ca c'est le discours d'une vraie feministe et là est le combat des femenistes ( et non pas dans des causes bourgeoises comme celles qu'on entend ces derniers jours)

انت حقا قدوة

WALLADA a dit…

بنت عايلة

المشكل موش في الاختلاف بل في احترام الاختلاف

قوفرنور

شكرا ، شهادة أعتزّ بها

brastos a dit…

بعيد على ثنائية رجال و نسا

اللي ما عندها حتى معنى

من الاحسن تفادي العنف اللفظي .. رغم انّو احقاقا للحق جماعة عبرات بالتصنيف هاذاكه .. ساهمو في استفزاز العباد .. و حيّرو البلا على رواحهم

انا مانيش بصدد تبرير الكلام البذيء اللي تقاللهم .. و اللي كان بالانكان تفاديه

مع الوقت تو تهدا الامور

WALLADA a dit…

براستوس

أنا ضدّ الاستفزاز مهما كان مصدره و أنا على يقين أنّ الأمور ستهدأ فالمستعملون للفضاء التدويني أعقل من هذا بكثير

لاعب النرد a dit…

عندك ألف حق الحكاية تخوف... أما موش الى درجة الانقسام الى نساء و رجال، ياسر متشائمة يا ولادة...
صحيح انا لاحظت رداءة بعض التعليقات وصحيح ما تصورتش الامر وصل للدرجة هذي (هنا)اما
في النهاية هي ظاهرة، ويلزم نتعاونوا باش نحاولوا نفهموها...ـ
أنا فكرت باش نكتب على المسألة باعتبارها جزء من كلامنا .. اللي يقول بالذراع علينا الحاجات اللي نحالوا انخبوهم( شوف الاستعارات التي نحيا بها/)
لكن نتصور ظاهرة كيف اللي نحكو عليها تمس برشة مجالات و فئات يلزمها عمل جماعي

WALLADA a dit…

لاعب النّرد

أنا نعرف الّي الانقسام رجال -نساء موش مطروح بالمرّة في عقل التونسي المستنير ، أنا فقط حذّرت من العنف اللّفظي و حتّى الفكري و من كلا الجنسين

Anonyme a dit…

Franchement, les rédactrices du blog tabour sont les seules responsables, prendre des gens pour des "aghbiaa" juste parce qu'il sont différents reflète un esprit unidimentionnel qui refuse toute forme de débats.Personne n'a osé insulter un autre blogeur sur sa page principale, franchement je donne raison à big trap boy et à ts ceux qui boycottent ce blog.Leurs pensée est très bizarre, on est nationaliste et très intelligentes, on détient la vérité absolue..Il y a pas de différence.C'est la même logique pour toutes les dictatures..Chay y7achem wallah!

WALLADA a dit…

يا أمين
هذا الّي بديت بيه أنا كي قلت لا يُقبَل أنّه واحد ينعت لاخر بالغباء و لا لاخر زادة يجاوب الاستفزاز هذا بالتهجّم اللّفظي

تصدّقني يا أمين كيف نقلّك و اللّه عمري ما دخلت لمدوّنة و انتبهت للّي مكتوب على الأجناب ديما نقرى النصّ و كان ظهرلي نعلّق عليه و نخرج على روحي بالظبط كيما ندخل لدار مستحيل كان باش نقعد نقلّب في حيوطها و أثاثها تظهرلي قلّة حياء و ما فطنت بالتصنيف الّي يحكيو عليه كان اليوم و أنا نقول شبيها ماكلة بعضها توّة مدّة

samsoum a dit…

@Wallada: Franchement, autant je suis d'accord avec toi sur le principe du respect autant je ne comprends pas pourquoi, il ya des mots qui choquent et des mots qui ne choquent pas.

Je ne défends pas BTB, il sait le faire lui même. Je n'ai jamais été insulté sur mon blog et je n'ai jamais insulté qq'un sur n'importe quel blog, donc on est d'accord.

Mais "ghabiy" ou "malhat" sont pareils pour moi, les deux sont des insultes que l'insulté soit homme, femme, noir, blanc ou gay, une insulte est une insulte. Aller au delà de l'insulte et analyser qui insulte qui et quel genre de mots a été utilisé pour insulter et en tirer des conclusions est un peu dangereux dans ce cas.

C'est pas la première fois que BTB insulte qq'un :) et je ne crois pas que ce sera la dernière et contrairement a ceux qui ont commenté avant moi, je ne dis pas que la blogueuse qui a été insultée le mérite. Moi je pense que personne ne mérite d'être insulté, point a la ligne même si parfois on se retient :) et ne me dis pas que tu n'as jamais souhaite insulter qq'un :) BTB lui ne se retient pas.
Anyway, je souhaite que tout rentrera dans l'ordre prochainement, car on sent que cette blogo est un devenu très agressive...

WALLADA a dit…

سمسوم

أنت قد عبّرت عن كلّ ما جاء في نصّي ، هذا بالضبط ما قلته لا يقبل أن نشتم بعضنا البعض فنحن أكبر من هذا كما أنّي أدنت كلمة غباء كما أدنت كلمة البيغ
فلا يتبادر غلى ذهن أحد أنّي أتحامل على البيغ فهو صديق و هو يعرف هذا
فقط أنا ضدّ الشتائم كما كنت دائما و تدويناتي السّابقة تشهد بهذا

Anonyme a dit…

Les bloggueuses du tabour n'ont insulté personne, sur leur propre blog, elles ont présenté une certaine classification( d'ailleurs cette classification ne l'est q pr qq'uns des blogs!). Elles ont juste affiché leur opinion quant aux qqes blogs, ou est la provocation? sinon, je dirai que les écrits de Achour entre autres c ausssi de la provocation gratuite, a dénigrer la religion de 60% d'une population( pr ne pas dire plus). En fin du compte il ne faut pas dramatiser, qques déviations de tps en tps sont nécessaires pr rappeler a l'ordre!
3aber

البرباش a dit…

أي ولادة عندك الحق تتغشش و تنفعل لأنو الشي هذا كنا ما نراوه كان من عند الأنونيم... إلا أنو كيف يصدر من عند ناس عندها باع و ذراع في التدويتن تولّي الحكاية يلزمخها وقفة تأمل و محاولة لتدارك الأمر من أخهال الميدان...
نشكرك ع التدوينة متاعك و إن شاء الله يكون ليها أثر في إصلاح الأمر و ثتلافي حدوث ذلك مرة أخرى

Anonyme a dit…

Pardon wallada mais quand on se permet de juger les autres, voire même les insulter( ghabey), on doit pas crier au scandale lorsque on reçoit le même traitement, je comprends pas comment une personne qui se veut respectable puisse juger les gens de cette manière et faire ces classifications.
On provoque et après on joue la victime, je pense qu'elles ont appris beaucoup de chose d'Israel.
Le terme de Big est très approprié. (ds son sens péjoratif)

Zizou From Djerba a dit…

Wallada,

Tu defends les filles plus que BTP. Cette reaction du personnage BTP ne me surprends pas car ca fait partie de sa ligne editoriale. Je peux parcontre t'assurer que la personne BTP est tres respecteuse de l'etre humain qu'il soit homme ou femme.

Il faut qd meme avouer que ce blog est violent, qu'il utilise un vocabulaire ( المتواطئين والمناصرين للعدو...أبواق الناعقة...نفضح فقط من يتآمر ويتلاعب بوعي شعوبنا)qui incite a la division et au conflit et qui mets Khil ou lil, BTP, et le reste des laiques sur des listes. Elles jouent a un jeu dangereux et dire que tu ne lis pas le contenu de leur template ne peut pas attenuer la gravite de leur orientation.

3amrouch a dit…

من الاحسن تفادي العنف اللفظي .. رغم انّو احقاقا للحق جماعة عبرات بالتصنيف هاذاكه .. ساهمو في استفزاز العباد .. و حيّرو البلا على رواحهم
كلام معقول ومنطقي لكن كيف تجي (حشرة) كيما الهالك وتعتدي على مقداسات لعباد وتتطاول على الذات الالهية وتنسى الى هي حشرة ميسالش هذاكه اسمو حرية تعبير
اصبحت تضحكني تناقضاتكم
اعبر عن مساندتي المطلقة والغير مشروطة لمدونة الطابور الخامس
وللسيد امين نقول موش عاجبك برى اشرب من البحر قالو شيء يحشم والامر ينطبق على كل واحد يقول ولا يخمم انو مدونة ضد الطابور يستاهلو الكلام هذكة
اصبح سبان لعباد وجهة نظر
يا اسفي
كان واحد قال لا للاعتداء والتطاول على المقدسات يولي مربط وخوانجي
كان واحد عبر عن راي في افكار شخص اوطريقة تصرفو يولي يستهال وجابها لروحو
مالكم كيف تحكمون
هل انتم متاكدون انكم قراتم فعلا النص الذي كتب وفهمتموه؟؟؟؟لا اظن

Big Trap Boy a dit…

ولادة

تقييمك للحكاية فيه تبسيط مبالغ فيه

منين جبتها حكاية نساء ورجال هاذي؟

ياخي كيف يكونو نساء معناها ميسالش يسبّونا؟

وزيد آشنوة يخليك متأكدة للدرجة هاذي أنهم نساء؟ خاطر هوما قالو؟

بالنسبة ليا رجال نساء وأطفال كيف كيف في المجال هذا، إلي يسبّ الناس في مدونته ويسبني أنا بالذات ما يستناش مني حاجة باش نجاوبو بقصيدة شعرية إحتراما لأنوثته

مع كامل مودتي

Unknown a dit…

يا ولادة حتى هوما زادة دخلو فيها شاطح باطح، لغة باندية في مدوناتهم، تقول خلايق متاع فيراج الأسبيرونس،

هو ساهل السبان في المدونات، زعمة في الشارع يتجرأو أنهم يتصرّفو هكا مع العباد؟ يا ذنوبي

و فمّا فرق من أنك تسب مدونة، و من أنك تسب شخص و تقلو يا ملهط

فما كمشة يساريين يلعبو في لعبة الكلانيزم، تقول عصابات، يعني كي واحد منهم يسب مرأة، يجيو لخرين باش يبررولو موقفو، و يدافعو عليه،

كيف تتخاللف في رأيك معا واحد منهم، يدورو عليك الكل، يعني أنا كيف أنتقدت زياد في مدونة عبر إنها تونس،
جاء بيغ تراب بوي يدافع عليه، هانو حتى زياد رجّعلو مزيتو في مدونة الطابور الخامس كيف بيغ سب عبارات

Anonyme a dit…

شنيا الحكاية يا جماعة ؟ أنا ديمة دايخة و متأخرة في الحكايات هذه
أنا ضد السب و الشتم و الكلام البذيء

WALLADA a dit…

إلى كلّ المدوّنين الّي عجبهم كلامي و الّي ما عجبهمش ، الّي علّقو و الّي ما علّقوش و حتّى الّي دخلو قراو أكهو

يا أصدقائي راني كتبت بنيّة الإصلاح لاني ندافع لاني نهاجم ، البيغ و أمين أصدقاء عزاز و أزواو شخص نحترمه برشة و ما نقبلش أنّهم يتصنّفو كأغبياء و يعيّشكم من غير مزايدات على صداقتي معاهم

أنا كان كلّ همّي جوّ البلوغسفار و احترامنا لبعضنا ليس إلاّ

أيا يزّيونا يهديكم راهو كلّ شيء ينقص كان الكلام يزيد

brastos a dit…

سفيان
ما نعرفش علاش ديمه مصرّ على ادماج اليساريين في كل بعبوكه .. من غير حتى لزوم

يظهرلي عندك خلط في حاجة لشويّة تنظيم

موش كل من له موقف فكري ضدّ الدين ، يسار
موش كل ملحد يسار
موش كل من سخر من المقدسات الدينية ، يسار
موش كل من شرب كعبات بيرة ، يسار
موش كل من يكره الحجاب و تعدد الزوجات ، يسار
موش كل من عندو موقف نقدي من سياسة حماس ، يسار
موش كل من هو ضدّ الخوانجية و الاسلام السياسي و التطرف الديني ، يسار
و القايمة مازالت طويلة
هذا مدوّن جا يلقا جماعة مصنّفينو غبيّ و عاملين رابط لمدونتو تحت العنوان هذا .. احتج عليهم بطريقتو اللي هو اولى بالدفاع عليها و تبريرها

اعطيني اش ما دخّل اليسار في الهدرة

حاجتين : يا كيما قتلك عندك خلط مفاهيمي في حاجة لاعادة تنظيم

يا ،مع الاسف ،تتعمّد التحامل على هالراكايات اللي نحبّ نطمّنك انهم قد ما يولّيو ركايات .. ما يندثروش .. ينهضو من رمادهم مثل طائر العنقاء

Anonyme a dit…

3amrouche .. pas la peine bech tal3ebha 7akim tawwa

wini el 7ekma fi ta3li9atek fil scandale hedhi .. w enti tcha33el finnar .. 9allou moslim !!! :

brabbi choufou hna :

http://el-clandestin.blogspot.com/2007/11/blog-post_17.html

tbib_3arbi a dit…

je m'étonne de tous ces commentaires comme si personne ne connais BTB et ses postes

Unknown a dit…

@Brastos

"اعطيني اش ما دخّل اليسار في الهدرة"

أنا نحكي على الركّايات إلّي يحكيُو برواحهم علمانيين، و هوما أغلبيتهم من اليسار، و ما عليك كان تشوف المدونات متاعهم توّة تعرف، و كي ما ريتش يساريين و علمانيين أخرين ينتقدوا في تصرفاتهم، ولّيت أنا إنتقدتهم

"ما يندثروش .. ينهضو من رمادهم مثل طائر العنقاء"

لكن يقعدُو ركّايات، و هاتوّا يجيبوا الصيد من وذنوا

يعني إنت توّة معمّل على الركّايات باش يبدّلوا الوضع و يحسّنوا الأمور؟

Unknown a dit…

"je m'étonne de tous ces commentaires comme si personne ne connais BTB et ses postes "

يا طبيب عربي،

و حتى تدخلاتو في المدونات الأخرين بكلها تجودير و تبوريب متاع فروخ و ركّايات حكايتهم فارغة

لكن هذاكا ماشافوهش و عمرهم ما تكلّمُو عليه، وقت واحد أخر جبدو جاو بكلّهم يدافعو عليه، و الراجل قريب مش يولّي مناضل، و من بعد يجي قلّك شبيك على اليسار، ما حقّوش

brastos a dit…

تي الراجل بيدو .. بعظمة لسانو قالّك مانيش يسار .. بل بالعكس يمكن يكون ابعد منّك انت على اليسار.. و ينجم يكون معادي اكثر منك انت لليسار

هاذا بالطبيعة ما ينجّم يعرفو كان اللي يقرا المدونات مليح .. مليح ، و يرجع لارشيفها باش يفهم خلفيات التفكير و عمفو و مرجعياتو .. و ما ياقفش عند السطح .. و ما يكتفيش بفانتازمات الشتم و السب اللي تظهر في التعاليق هنا وهناك .. بشكل غير مركّز

و اللي هي مع الاسف : حالتك .. خاطر لو كان جيت تتمعّن مليح في المدونات قبل الانخراط المتحمس و المتشنّج في الخصومات ، و استعراض المهارات في الخصومات الصغيرة .. و الصغيرة جدا ، راك عرفت اللي برشه من "المتهمين" في هالمعركة التافهة ماهمش يسار .. و سبق لهم عبّرو على افكارهم المتعارضة مع الفكر اليساري سواء في الخيارات الاقتصادية او السياسية او الثقافية

اه .. بين قوسين : حاجة اخرى لقيت روحي مضطرّ باش نضيفها لليستة اللي قلتهالك في التعليق لولاني :راهو موش كل علماني ، يسار
:)

ما يمشيش في بالك انّي قاعد ندافع على حتّى واحد هنا .. انا كيما عبّرت على تحفّظي على التصنيف هاذاكة من اوّل بعث المدونة ، فإنّي عبّرت على رفضي للكلام البذيء في المدونات من هاك العام
و نرجع نقلّك : التبربيش في ارشيف المدونات راهو باهي .. يخلّيك تفهم اكثر المدون .. باش تعرف روحك انت في الاخير مع اشكون قاعد تحكي و لشكون قاعد تقرا .. و باش تتفادى حطّان الناس الكل في كردونه وحدة معلّبة ميته .. يا الكلّ خوانجيّة على بكرة ابيهم خاطر يقولو لا اله الا الله ، يا الكل يسار على بكرة ابيهم خاطر يكرهو الخوانجية ، الخ .. الخ .. من الاحكام المسبقة اللي لا مكان العمال العقل فيها


تحمّسك و اطلاقك لمثل هالعبارات متاع السبّ الطفولي : ركايات و شلايك و غيرها، ما تتصوّرش انّك وحدك بارع و ماهر و تكنيسيان فيه
الكلّنا ولاد شعب واحد ، و عندنا نفس المعجم تقريبا ، لكن الفرق انّو ثمّه اللي يحاول يترفّع و ييتعالى على الشتم لصالح النقاش العميق و الجدي و الطريف و المتحضّر ، و ثمّه اللي حشيشتو سبّان و شتم ، لعدّة اسباب سواء تشنّج عقائدي كريه (عقائدي راهو موش معناها فقط ديني) .. سواء لتفريغ كوابت معينه تنجّم تكون حتّى نفسية و شخصية

انا اكره التفكير القطيعي سواء يساري او يميني .. و نكره الدفاع الاعمى .. و الانحياز الاعمى للافكار فما بالك للافراد الحقيقيين ... فمااااا بالك للمدونين..و افضّل النقاش الهادئ ..و عادة ، الركّايات يكونو هادئين باش يحتويو ما في المشهد من تفوريخ و تفركيح و تبرطيع

:)