mercredi 15 avril 2009

شنيّة هالميزيريا ؟ وينهم المدوّنين ؟

نداء عاجل نتقدّم بيه لكلّ المدوّنين الغائبين و هاني باش تطلعلي الكلبة بنت الكلب و ما عادش يهمّني في ظروفهم ، كيف يتعدّاو و ينشرو نصّ في النّهار موش باش تقف الكرة الأرضيّة .
أزواو – بيغ - براستوس - عيّاش – الفرررر - بالملوان - هلالي - دوعاجي – بوقرنين – ستوبور – شنفرى – الحلاّج – سمسوم – هناني - زبراط – ماني الإفريقي و غيرهم ...
يسامحوني بقيّة الأصدقاء الّي ما ذكرتش أساميهم
تي حتّى الّي قعدو شادّين صحيح يكتبو مرّة بعد قدّاش ، و الجماعة الكلّ راكشة في الفايس بوك تهدي في الورد و الشكلاطة و الكونوليا و دولاب كبير .
أيا سيدي باش ترجعو كالعادة و إلاّ نسكّرو الحوانت و خلّي البلوغسفار يزفّر فيها الرّيح ؟
و أنا نحضّر في روحي باش نعمل حفلة الجمعة الجاية على خاطر مدوّنتي باش تغلق عامها الأوّل ؟ و أنتوما فرْ فرْ باش ما تهديو لي شئ ؟ و الله و الله و الله للثّالث خَطرَة يا لو كان ما ترجعو إلاّما نقترح على حسين يلوّن صفحة البلوغسفار قزوردي و يا شماتة عَمَّار فينا

19 commentaires:

ferrrrr a dit…

يهديك، من غير تتطرف، ما ناش ناقصين! كانك عالتدوين موجود اما القزوردي عندهم عام الصابة، من بعدها يرقدو خمسة سنين حتى "العرس الديمقراطي" الجاي، و انتي ماشي

bent 3ayla a dit…

ازدم يا ولادة الشعب وراك
و بصراحة التهديد بالقزوردي فكرة هايلة

nader a dit…

أهلا ولادة، السبب الأول هو ظهور جوقة الطابور التي خلقت أجواء مشحونة بتصنيفاتها العقيمة، و كرست عقلية نبذ الآخر٠ بالتالي ملّ الجميع التدوين بعد أن تحول الفضاء إلى ميدان لتصفية الحسابات و التراشق بالإتهامات٠

WALLADA a dit…

نادر
أهلا بيك

التصنيف و الاختلاف في الرّأي موش حاجة جديدة ، بالعكس كان ديما موجود و أكثر من هكّة كان هو المحرّك للتدوين

ثمّ ، باش ندوّن و نعبّر موش بالضرورة النّاس الكلّ تكون كيفي و تعتنق أفكاري و تحبّني ، الاختلاف لازم مادام في نطاق احترام الأشخاص ، كان كلّنا باش نتكلّمو نفس اللّغة ترصّيلنا نغنّيو و جناحنا يردّ علينا

Zied- زياد a dit…

Andek el ha9! este3mal compte facebook bel pseudo mte3 el blogosphere houa el mochkol!

samsoum a dit…

طــــيّ
هههه علي خاطرك هاو طوّا نحاول

cactussa a dit…

c'es de plus en plus dicille d'ecrire et pas a cause de temps qui manque !! :((
mais pour les cadeaux ,je serais presente (bech n7ilhom m3ak ) !!:)

علّيسة، عروس البّحر a dit…

عالسلامة ولادة،
بربي سامحني أختي باش نستاذنك في الرد على الأنونيم "نادر" اللي يظهر فيه خايف يوري وجهو.

وه وه قداش تطلعنا سوفاج وماناش جونتي حتى طرف جماعة النضال ضد الطابور وأذيال الطابور! هههه

مالا سي نادر قتلي جماعة النضال ضد الطابور (وموش الطابور، عود اقرا مليح خاطر الفرق كبير كيما الفرق ما بين رغب في ورغب عن) هوما السبب في توقف بقية المدونين على الكتابة؟ شنوة خانها ذراعها قالت مسحورة؟ هههههه
يا والله أحوال...
أما ما فسرتليش كيفاه تصنيفاتنا عقيمة ونابذين الآخر؟ (تنبير إصدار 0.01 هههه) ومصطلح الخوانجية الجدد ما يعنيلك شيء؟ ههه
آه مالا قتلي الجماعة ملو التدوين خاطر الاتهامات؟
هاو طلعت مشاعركم مرهفة برشة!
هاذيكة عاد مشكلتكم يا سي نادر موش مشكلتنا...

سامحني يا ولادة كان خرجت على الموضوع.
وكان تحب تحذف التعليق موش مشكل. شكرا وسامحني مرة أخرى

onsor العنصر a dit…

عندي صاحبي ، كاتب قديم و صحافي قديم و جامعي قديم ، ندز فيه باش يعمل مدونة و يكتب في المواضيع اللي ينجّم يقول رأيو فيها ، يخّي قالي الوقت الّي نعديه نكتب في البلوق ماهو نعمل فيه مقال و إلاّ كتاب نربح بيه الفلوس ان شاء لله الجماعة اللي ما عادش يكتبو ما يكونوش يفكرو كيما صحوبة

NADER a dit…

أهلا عليسة، والله عندك الحق ما قعدت كان أنا أنونيم و جبان ، أما إنتي تكتب بسمك و اللقب متاعك يعطيك الصّحة، و كمل حاطة تصويرتك زادة و الله يعطيك الصحة على الشجاعة منقطعة النظير
بربي ما فيبالكش إلّي حتى إنتي أنونيم؟؟؟ والله شي يبهت.
أعمل طلة على الليستة إلي عملتها ولادة متاع المدونين أتوا تلقاهم بالزهر إلكلهم علمانيين، كان بلملوان إلي وقف قبل ما يحل ركبكم السعيد..عموما هاذا آخر تعليق نعملو هوني خاتر نعرف إلّي حوار مع عباد ما عندها حتى وازع أخلاقي باش تنعت راجل محترم كيف أزواو بلغباء ما يوصلش لنتايج باهية. دمتم ذخرا للوطن و الأمة.

Big Trap Boy a dit…

@ wallada:

شكرا على هذه الدعوة اللطيفة وإنشالله نرجعوا نكتبو، على كلّ حال أنا أتابع المدوّنات التونسيّة أو بالأحرى ما تبقى من مدونات تستحق المتابعة في ظلّ غزو الحثالة لهذا الفضاء

هاو عملولي جروب على فايسبوك يناشدو فيا باش نرجع وأنا قلت خلي نزيد نتعزّز في إنتظار أنو يرجع الكيف متاع الكتيبة

:)

Anonyme a dit…

C'est toujours un plaisir de te lire wallada un plaisir qui accompagne le petit café matinal. Oui il y a un vide, bcp on déserté cet espace et pas uniquement à cause de facebook (même si ennaouar et les nounours sont plus sympa que les commentaires et les post de certains) Je ne sais pas pourquoi la blosphere est devenu un champ de bataille pour certain. quand j'ai commencé c'etait plus pour fuir le quotidien ou plutôt une façon de voir le quotidien autrement pour ne pas finir en automate. le luxe de l'anonymat faisait aussi partie du plaisir etre sans identité on s'inventer une nouvelle, bref le plaisir de lire des personnes inconnues, monsieur tout le monde qui se met à ecrire parce que sa vie ordinaire qui ressemble tant à la tienne ne l'ai pas en fin de compte donc la tienne aussi n'est pas sans importance, bref... Pour dire que le plaisir n'y est plus. on a perdu le plaisir d'ecrire parce qu'on a perdu le plaisir de lire... je ne suis pas sur la blogsphere pour me battre, mon combat je le mene dans la vie réelle. je crois que tout le monde en a marre de ces pseudo-débat d'idées. Je ne partage pas les idées de big trap et pourtant j'adore le lire, je n'aime pas le ton de tarek mais je m'instruis, je me delecte du moulin à historiettes de barbech, je regrette les jolis textes d'Arabica, et les folies artistiques de Sonia... Bref pour dire que ce qui nous ramenais à la blogsphere c'etait le plaisir de lire, qui lui se trouve à l'origine de tout plaisir d'ecriture. aujourd'hui ce plaisir est perdu, à la place on retrouve des "débats" d'idées, ou plutot des combats de coq, qui me degoutent parfois et me donnent la chaire de poule d'autres...
que des leçons, des accusations, des mea culpa et des egos malades.
le blog pour moi c'etait un espace de la decouverte de l'infra-ordinaire, ce quotidien si ordinaire qui ne l'ai pas si on le voit de près, s'il est raconté par le biais de l'humour, le blog c'etait aussi un espace où une certaine littérature prenait naissance, et je parle ici de la nouvelle ecrite en arabe dialectal, le TN Blog c'etait pour moi un espace de reconciliation aussi avec un certain héritage culturel qu'on nous donnait pour mineur avec azouaw et bien d'autre...
j'ai fait long mais parce que je comme je l'ai dit le plaisir de l'ecriture vient de celui de la lecture et comme j'ai eu plaisir à te lire voilà...je me parcours en ecrivant:)
merci walada et bonne journée à toi

eddou3aji a dit…

ما أصعبك يا ولادة ههههه بوسط في النّهار؟؟؟ جوست ما تتغشش علينا هاني جاي ههههه

WALLADA a dit…

البيغ و الدّوعاجي

شكرا على تلبية الدّعوة و رانا نتدلّلو عليكم

بقيّة الأصدقاء الّي علّقو شكرا على التفاعل و مرحبا بيكم

غير المعرّف

تعليقك كان على قدر كبير من المعقوليّة و الرّصانة و الاحترام شكرا ليك و مرحبا بيك
ههههههه يا ريتهم غير المعرّفين الكلّ يعبّرو هكّة كيفك

WALLADA a dit…

و سمسوم زادة

هههه تنساك الموت يا صديقي

Anonyme a dit…

ولادةهل هذه صدفة ام سرقة فكرية في الكويت يوجد ولادة اخرى
http://walladah.blogspot.com/

Anonyme a dit…

نحب نقول لمحاربي الطوابير والخونة باش يجبدوا السيوف و يجاهدو هالقس الي اربك
الاسلام من جذوروا
http://www.islamexplained.com/

WALLADA a dit…

الأنونيم قبل الأخير

فاش قام سرقة فكريّة ؟ ما لقينا ما نسرقو كان إسم ولاّدة إلّي أشهر من نار على علم؟

ثمّ إنّي ما عندي حتّى فكرة على المدوّنين الكويتيّين ، هذه أوّلا

و ثانيا أعتقد أنّ ولاّدة الشّاعرة و الأميرة الأندلسيّة أقرب للحضارة التونسيّة منها للكويت

و ماذا بيّ كان تعطينا الرّابط متاع مدوّنة " ولاّدة الكويتيّة " إذا كان صحّ باش نسمّيوها هكّة
و مرحبا بيك

Anonyme a dit…

Hello there everyone, I just registered on this splendid online community and wished to say hiya! Have a incredible day!