mardi 2 décembre 2008

آخر قــرار ... إنْـسَــــاوْنِــــي



حتّى لا أقع في فخّ التراشق بالتّهم و التبرير و التفسير و حتّى لا أفهَمَ خطأ و أنزلق بدوري في المشاحنات التي لطالما نبّهتُ منها ، و حتّى لا يضطرّ البعض من الأصدقاء القدامى للأسف للحديث عن انفصام الشخصيّة و ازدواجيّة الرّأي و قائمة حتّى مازالت طويلة و لكن لا فائدة من ذكرها كاملة

فقد قرّرت أن أمَيِّعَ هذه المدوّنة و لن أكتب بعد اليوم إلاّ في هَبَاءات التّفاهة و كلّ ما هو سطحيّ و منحلّ ممّا لا يهمّ الشّأن الخاصّ أو العامّ للبلوغسفير من قريب أو من بعيد . سأغنّي على ليْلاَيَ كما يفعل الكثير و أجني راحة البال ، هذا إنْ عَنَّتْ ليَ الكتابَة ليَهْنَأ من تزعجُهُمْ مواقفي و شكرا لكم
.

20 commentaires:

Houssein a dit…

Je m'excuse de commenter en français.

Wallada, n'oublie pas que tu es libre de faire ce que tu veux de ton blog. Ceux à qui ça ne plait pas n'ont qu'à aller voir ailleurs.

Tu peux continuer à écrire sur les affaires publiques si tu veux. Ou autre. C'est à toi de voir. Ne te laisse pas intimider, et soi toi-même, c'est comme ça qu'on aime te lire ;-)

Sofiene Chourabi a dit…

لا يمكننا أبدا ان نتخلى عنك ولادة.
لن نترك ابدا تسقطين في هباءات التفاهمة فمقامك أرفع من ذلك كثيرا، والا كيف نكون أصدقائك بصدق؟

ferrrrr a dit…

البلوغسفير في غالبها مذيتة، مبنية على صداقات، يعجب الشخص و موش النص، التصويرة متاع الغلاف و موش الفكرة، هذكه عينة من مجتمعنا...

أرابيـكا a dit…

توة شنوة مازلت كى روحت ونلقاك هكة اى ايجا يزي بلا دلال واللى مش عاجبو يمشي يقرى جريدة الصريح اش قام عليه يحل مدونتك اى ولادة امانك عاد

Al-Hallège a dit…

هل أصابتك العدوى ..عدوى التخلّي و الإنصراف الى السطحي اما يكفي سطحية المجتمع و الثقافة و الإعلام الرسمي حتى نزيد حائطا آخر للسطحيّة ؟؟؟ اعتقد انك تكتنين هذا وانت في حالة الغضب ...لا أعتقد انك من أحباء السطحية

Soufiene a dit…

هيا عاد يزيونا مالحب لعزيز، ظربة ثنين هاو واحد تنبز، تغشش، ولا مش يجبد سفيرو. اش نوة، ولات موظة. الديموقراطية في اَمريكة و في اسبانية
جات من بعد حروب اهلية

brastos a dit…

دون ان ادّعي معرفتي بكواليس هذا القرار .. اذكّرك ، و انت في هذه الحالة من النرفزه :) بانّه بالتأكيد توجد حلول أخرى غير الانسحاب ... شرط ان نتفادى التوتّر .. فكّري جيدا .. هذا الفضاء في حاجة اليك ... الينا
لا تسمحي للتوتّر ان يأخذ مأخذه منك

ferrrrr a dit…

ولادة، آخر قرار، ما ناش بش ننساوك، بش ندخل كل يوم للمدونة متاعك و جرّب ما نلقاشي نقشة اليوم، انولي خوانجي و في رقبتك قدام ربي راهو

HNANI a dit…

لا حول ولا قوة إلّا بالله، الراحة ما فمّاش، ولّادة ماولت نتذكّر نصيحتك لجاعة أخري باش يكونوا قويين و ما يسلموش، ولّا كنت اتشجّع في روحك وقتها ههه
هيا، يا بنتي المدونة متاعك و لا واحد عندو الحق باش يحاسبك انت و إلّا غيرك على آش تكتب
يلزمني تدوينة كاملة لهالموضوع، أيا بدّل ساعة بساعة و يعل الله
واكتب إلّى تحب ، تعرف إلّى أنا نحترمك برشا

ART.ticuler a dit…

مانيش باش نعاود الكلام إلي تقال..من نوع: أرجع .وخوذ شوية وقت وأرجع وأعمل روحك موش هنا إلخ. على خاطر تولي الحكاية عبث في عبث .
لا يا ولادة الكلام هذا مانيش باش نقولهلك باش نقلك: أنا باش نعمل إضرب مفتوح حتى ترجع تكتب في الأمور الثقيلة إلي تنفع

آش كان عليه a dit…

يا ولادة راه موش معقول إلي تقول فيه.إلي يحبوك أكثر من الأخرين.و زيد زيادة إنت حرة تكتب إلي تحب .و حتى واحد ما جاء نهار و خلصلك فتورة أ.د.س ل .

هلالي a dit…

ليس من عادتي التعليق
اكتفي بلاستمتاع بما تكتبين وماتنشرين
لكني اطلب منك بكل المحبة الجنوبية التي لدي اطلب منك الاتفعلي
الاتفعلي

ART.ticuler a dit…

تصوروا البلوغسفير من غير ولادة..
موش كيما تقولش عليها قامت حرب إبادة؟
وإلا تصوروا السمان من غير غادة..
وإلا الدوعاجي من غير بلادة..
شنوا قيمة التدوين من غير إفادة؟
البلوغسفير من غير ولادة:
انسان من غير إرادة
لذا هاو باش نعمل إعادة
أنا في إضراب مفتوح عن التدوين حتى ترجع ولادة

Chiheb 12 a dit…

أستاذة ،هل هي ثورة أم أزمة.
من يأثّث بيته بخالد الذّكرو نزار فالأمر غير مقبول ،فنرجوا أن يكون الأمر مزاحا وليس بجدّ

eddou3aji a dit…

لا عااااااااااد... حتّى أنا كان ما تتراجعش حالًّا باش نعمل كي الفررررر و إنولّي خوانجي و كان تواصل باش نولّيلك سلفي جهاديّ...و في رقبتك. تي شنوّة توّا؟؟؟ ياخي شبيكم ماهو لاباس؟؟

WALLADA a dit…

شكرا لكلّ الأصدقاء ، فعلا شكرا من القلب ، تعتري الإنسان لحظات ضيق فوق ضيقه فتضيّق عليه الضّيق نفسه و لكن من كان له أصدقاء مثلكم يبقى له ركن فاقع الألوان ينير القتامة
شكرا حسين ، سفيان ،أرابيكا ، فرررر ، آرتيكولي ، الدوعاجي ، شهاب ، سفيان 2 ، هناني ، براستوس ، الحلاّج ، الشنفرى ، هلالي ، آش كان عليه
حتّى من مرّ بالمدوّنة دون تعليق شكرا
لن أكونَ ألْأمَكُمْ جميعا و بما أنّ لِينَ المِزاج من نقاط ضعفي هاني باش ناخذ بخاطركم فصداقتكم تغنيني عن كلّ شيء

kacem a dit…

أنساك دى كـــــلام

1- رئيس الشعبة إسمحلك باش تكتب في الشأن العام ...!!!! شوفي كيفاش العوج و كيفاش يسمح لرّوحو باش يحكي بالطريقة الفوقية ...!!!

2- أعمل دورة ...سرّح المربوط..

kacem a dit…

عسّاس نهج مالطة الصّغيرة


ماهو في كل حومة و في كل نهج و في كل دورة موجود عسّاس ، تونس شطرها عسّاسة / إتعس على حتى شيئ ، طلبتش سيقارو من واحد صاحبك ، حسين تن – بلوق ، أقيدها ،

أستفيد: أن ولاّدة ، باعت روبة بالكريدي لزوجة ولد عم سجين سياسي سابق ! و أنها ، إستضافت في الحانوت برستوس لشرب قهوة تدوينية و نقاش الأخطاء النحوية عند المدّونين.
إستفيد : أن بيق تراب بواي ، بدّل الواجهة متع الحانوت متاعو ، و أنه يفطر على طاولة جمهوريّة قاسم بمعية خيل و ليل و الناقد ، و كان على الطاولة بعض القوارير ، التي قد يكون فيها ماء العنب الصّافي .
إستفيد : بأن الناقد ، لم يعد ليفتح الحانوت إلا متؤخرا ليلا ...و قد يجلس منفردا ألي حدود الساعة الرّابعة صباحا !!!
إستفيد : بأن القوفرنار ، يبيع الرّوائح العطرة مخلّطة بنوع من الكحول الأحمر ! و نعتقد أنه من نوعية الوسكي ..تيكي نوار ...و أنه كذلك ، كثيرا ما يتردد على حانوت ولاّدة و فاطمة لبيع أكثر .
إستفيد : بأن قاسم ، يبيع دمية الشيخ راشد الغنوشي بسعر مقبول جدا !!! و قد جنّد جميع المدّوننين لهذه العملية ...و أستفيد أيضا ، أن جميع عملة جمهورية قاسم ، إشترو كراهب و أصبحو لاباس عليهم ..

هذه هي خدمة عسّاس نهج مالطة الصّغيرة ...إعس على إشكون دخل و على إشكون خرج من النهج ...إشكون شرى و إشكون باع ...رادار خلقو ربي ..و قلتلهم فّكونا من الخماخمة الخامرة ...و بدّلــــــــــو العساس لنهار من النهارات ، تطلعلي بنت الكلب ! وجهو إنكسرهولـــــــــــــو و إلا إصباعو إنقصّهم ..

• لا يا قاسم ما إيجيش منـــــــــو !!!
• كيفاش سي علي !!! إهرّب علينا في الكليونات ...المعمل باش إسكروه!
• تعرف ياقاسم ..خدّمو معاك ..و أعطيه بوسطه باهية باش يخطانا على الأقل !!
• و الله فكرة ...!!!
• أيه منها ...يلــــــــقى فاش يلتهى و يغرب على باب النهج !
• أش باش إنخدمو يا سي علي
• شوفولـــــــــــــو ...حتى تركيب الصّفايخ للبهم و للبغولة !!!
• راهو مهندس
• عاد أشبيه ....المهندسين ..إرّكبو الصّقايح
• قالها راجل ...توه إنعلّمو كيفاش..

الحسين –تن بلوغ ...صبح خدّام عندي ...باش إرّكب الصّفايح ...و يخلص تفتوفة.

قاسم قاسم

بخاري a dit…

خسارة و الله... كنت من الاقلام اللي اتابعها دوما

ART.ticuler a dit…

@KACEM
يا قاسم منين طلعتو ها النهج: نهج مالطة الصّغيرة؟؟ رجعت بي 30 سنة لتالي..
انتي ما تكون كان ولد حومتي هههه..باعتبار أنني من تلاميذ المدرسة الابتدائية نهج مالطة الصغيرة هههه