mardi 5 août 2008

شـِيلـَة بِيلـَة يا بُو العِيلـَة .. شـْكـُونْ زَادْ؟

أيْ آكـَاهـُوْ ، حُصِّلَ ما في الصُّدُور و كل يِدْ خذاتْ أختها ، الـِّي بِيه الفايْدَة حصُلْ و البقيَّة الكل ما عادِشْ يُصلحْ . الواحد كِي يجَدِّدْ دَارُه و دَبْشـُو ، تـُقعُدْلـُو قرَابِجْ في الرَّقبَة مْقـَلـْقِتـُّو و مْضَايْقِتـُّو و مُوشْ لاقِي آشْ يَعْمِلْ بيها يهـِزْ يُنـْصُبْ بيها في السُّوقْ و يِبْدَا يْبَرَّحْ عليها و الـِّي تجِيبْ خير منها ، و يا مِنْ عاشْ وقت الـِّي حَاشْتـُو يِشرِي الجدِيدْ الـِّي يناسِبْ ذوْقـُو و إمكانِيَّاتـُو. هيَّاوْ معَايَ للنـَّصْبَة
كـْرَاتِبْ للبِيعْ
مْكـَاتِبْ للبيع
جَامعاتْ للبيع
شـْهـَايِدْ جديدَة للبيع
أرَاضِي قديمة للبيع
شـَرِكاتْ للبيع
كـْتـُبْ للبيع
دْمَاغـَاتْ للبيع
بِطاقـَاتْ نـَا.. للبيع
مَتـَاحِفْ للبيع
مَسـْرَحْ للبيع
ثـَقـَافـَة للبيع
أقلامْ ، سْتِيلـُوَاتْ للبيع
أنتِرْنيتْ للبيع
...............
آهَوْكَ كانْ عِجْبِتكمْ حاجَة نـَّجِّمْ نكلـْمِلكمْ مُولـَى النـَّصْبَة يَعْمِللكمْ سُومْ و إلا خـُوذوا قـَرْضْ
كانْ كـُمْ علِيَّ أنا دَبِّرْتِلها كـْرِيتـْبَة هاذيكَ رَاس المالْ و قـْلـَيِّمْ و لـَقـْشـَة أنترنيت ، هيَّا دُورُو في حْوَارِيكمْ قبل ما يْهـِدُّوا ولادْ لـُمِّيمَة و ما يْخَـلـِّيوْ فيها شَيْ

1 commentaire:

komingtone a dit…

Je suis tenté de clamer qu’un jour viendra ou il n’y aura plus rien à vendre, mais je ne pense pas que ce pays se mettera ainsi à genoux, ce pays a toujours su plier sans se casser, mais se redressera t-il un jour ?
Bonne journée :)
http://tnkhanouff.hautetfort.com/