lundi 4 août 2008

الفـُـصْحَى لغة الثـَّرَاء و التـَّرَادف

قبل ما نبدا و نـِتـْفهـِمْ بالغالط نحبْ نقول أنا معتزَّة بالدَّارجة متاعنا ، العاميَّة التونسيَّة الرقيقة بالفـْيَانـَة الِّي فيها موش التلـَغبِيبْ متاع الشوارع الـِّي لا يقدِّرْ لا كبير و لا صغير ، لا مْرَا و لا راجل . و هاني نـِكتِبْ بيها من غير عُقـَدْ و لكن حَبـِّيتْ في هالتدوينة نسَلـِّطْ الضَّوْ على ثراء الفصحَى و قدرتها على المُرَادفاتْ و الظاهرة اللـُّغويَّة هذه غايْبَة في بقيَّة اللغات . العربْ وقت الـِّي عْطـَاوْ بَرْشة أسماء لِـمُسَمَّى واحِدْ مُوشْ من باب مَـليَانْ المُـعْجم و بَرَّه و إلاَّ تقشقيش حْنـَاكْ و لكنـّهم عْطاوْ أسْمَاء مختلفة للمُسَـمَّى الواحد أمَا في وَضعِيَّاتـُو المختلفة و صِفـَاتـُو المتعَدّدَة و هذه مَـشْطرَة
الأسَدْ - الـلـَّيْث - الحَارِثْ - الهـِزَبْر - الضِّرْغـَامْ - الغـَضَنْفـَرْ
المَوْت - المَنِيَّة - الحـِمَامْ - الرَّدَى - الوَفـَاة - البَلـِيَّة - الهـَلاكْ - هَادِمُ اللـَّذاتْ و مُفـَرِّقُ الجَمَاعاتْ
الخَمْر - المُدَامْ - الرَّاحْ - الصَّبُوحْ - الغـَبُوقْ - النـَّبِيذ
السَّيْفْ - القـَاطِعْ - الصَّارِمْ - البَتـَّارْ - المُهـنَّدْ
الكأس - الكـُوبْ - القـَدَحْ
الطـاَولة - المِنـْضَدَة - الخِوَانْ - السِّمَاطْ
بْخلافْ أسماء الفـَرَسْ و الجمل و الرِّيَاحْ و غيرها من العناصر الـِّي تعايْشـُو معاها
شـُوفـُو مظاهر جمال المرأة و مقاييسه في الشعر الجاهلى
[ الرَّاحَة - الانسِجَامْ - الألـْفـَة - الدَّهـْشـَة - البَكـَارَة - التـَّناسق - الخيْر - الغـَرَابَة - الزُّخرُفْ - الصَّدْمَة ]
و هذه التسميات الأصليَّة لأيَّام الأسبوع في الجاهليَّة
الأحَــــدْ : أوَّلْ
الإثنين : أهـْوَنْ
الثلاثاء : جَبَّارْ
الإربعاء : شـَيَّارْ
الخميس : مُؤنـِسْ
الجمعة : عُرُوبَة
السـَّبْت : دُبَـارْ
و نـْجـِي نحـِلْ قناتنا التلفزيَّة العتيدَة يـِلـْعِجْ علِيَّ صحافي و إلا مُدَرِّبْ بكلمة" تـَشـْبِيبْ الفريقْ" ما في بالهـُمْشْ الـِّي التـَّشبِيبْ هو التـَّغـَزُّلْ بِمَفـَاتِنْ الحبِيبَة في الشـِّعْرْ
هـَـــزُلـَــــتْ

Aucun commentaire: