jeudi 7 août 2008

تجربة أولى في الشعر الملحون : خـَـلـِّـتـْـنِي نِـتـْمَـرِّدْ

هاذه أول مرَّة نجرِّب نكتب الشعر الملحون ، و في الحقيقة كنت ديما نكتب بالفصحى و بمراعاة قواعد العروض ، لكن مـِلـِّي دخلت لميدان التدوين استهواتني عدَّة قصايد من الشعر الملحون قلت علاش ما نجرّبش بالطبيعة موش باللهجة البدويَّة باش ما نطـَّفلش على شيء خاطيني و لكن بالدَّارجة الـِّي نعرفها


نِـهدِي هالقصيدة لـِلـِّي يعرف أنّه مَـعْـنِي بيها


خـَــلـِّــيتـْـنِي نِــتـْــمَـرِّدْ

عَــلـَـى عْــنـَــايَ

نـُهـْــرُبْ نِــــبْــعِـــدْ

نـْــطِــيرْ نـْــجَــنـَّـــحْ

و مــعَ وِحـْــدتِــي في اللـِّـيلْ دَمْــعْتِــي تِـتـْـبَدِّدْ

يْــــطـُــولْ شـْـقـَـــايَ

و أنــا نـَــرْجَـــى طـَــلـْــتِــكْ و نـْـــرَدِّدْ

زَعْــمَــة يْــصَــافِــي الـدَّهـْـرْ يـا مَـشـْكـَـايَ

-------------------------------

خـَــلـِّــيتـْنِي نِـتـْـمَـرِّدْ

عــلــى مْــخَــدتِي علـى نْــعَــاسِــي

العِــينْ سَــاهـْرَة

و إنـتِ في نـُـومِــكْ نـَــاسِــــي

عـْــذابـِـي و صَــبْــرِي

و مَـا ضَـاقِــتْ بـِيــهْ انـْــفـَاسِـي

و يـبْـعِـدْ علِـيَّ فـَجْــرِي

نـْـغَــنـِّي

يَـا كـَاسِـي وِيـنـْـهـُـمْ جُــلاَّسِــــي

--------------------------------


خَـــلـِّــيتـنِي نِـسْـخَــايِلْ

الــحُــبْ في البُــعْـدْ

تِـبْـرِدْ نـَــــارُه

نـَــلـْـقـَى الـحْــشـَا سَــامُــورْ

العِــيــنْ دَامْــعَـة

و الـقـلــبْ جــوَانِــحْ طـَـارُو

و نَـشـَّـادْ في العِشـق و الغَـلا يْـوَقـِّظـْنِي

دَارِي الهـَـوَى مَـا تـْبُــوحْـشِ بَـسْـرَارُه

---------------------------

بـعد مَـا سَــكـِّرْتْ عليــه و نـْسِــيتـُه
فـَكـِّيـتْ أقـْـفـَـالِ القـَـلبْ و حَـبِّـيتــه

مَـا دْرَى وِلـْـفِـي مِـحْـنـْـتِي و وَجْـعَاتِـي
و مَـا دْرَى وِلـْـفِي بـِالذي عَـانِـيتـُـه

يَـا نـْسَـايِمْ العـُـشـَّاقْ هـِزْلـُو آهـَـاتِــي

و قـُـلـُّـو زَعـْـمَـا تـَــاتِــي ؟

و تِـرْجَعْ مـعَاكْ ضـُحْكـتِي و بَـسـْمَـاتِــي

تِــبْــرَا جْـرُوحِـي و يِـبْـرْدُو لِـيـعَـاتِي

لـُـو تـبَـشـْرُونِـي نقـُـولْ خُـوذو حْيَـاتِـي

و اعـْطِـيـوْنِي الـِّي أنَـا حَـــبِّــيتـُـــه

و خَـلـِّـتـْـنِي نِـتـْـمَـرِّدْ

5 commentaires:

أرابيـكا a dit…

ووووووووووووووووه عليّ
ما احلاه الشعر المكتوب بعروش القلب

WALLADA a dit…

Arabica
meme ta serie " je t'aime " ca vient aussi du fond du coeur non?

أرابيـكا a dit…

من الجواجى متاع الجواجى متاع الجواجى هههههههههههههههههه
عندك شك
يحيا الحب

islam_ayeh a dit…

pas mal comme début :)

pour reprendre le langage des profs : 7asan, wassel..
;-)

abunadem a dit…

ممتاز البداية ديمة تكون هكة صادقة وان كان فيها هنات
واصلي