lundi 8 septembre 2008

يا عمَّـار إتـْثـقـَّفْ شوَيَّة ..هذه نقاط بارزة في تاريخ الاتصالات

حوالي20.000ق.م استخدم إنسان ما قبل التاريخ الصّور و الرّسوم لحكاية القصص
حوالي3500ق.م طوّر السّومريُّون أوّل نظام معروف للكتابة
حوالي1500-1000ق.م طوّر السّاميُّون أوّل حروف أبجديّة حقيقيّة
حوالي59ق.م أنشأ الرُّومان صحيفة أخبار مكتوبة باليد هي الرّائدة من نوعها
حوالي 105 م اخترع الموظف الصّيني تيسايْ لونْ الوَرَق
حواليْ 1045 م اخترع الصّيني بي تشينغ الحروف المطبعيّة القابلة للتحريك
منتصف القرن15 م اخترع الألماني جوهانس جوتنبرغ الطّباعة
منتصف القرن 16 م اخترع الإنقليز قلم الرّصاص
في 1826 م حصل الفيزيائي الفرنسي جوزيف نيسفور نيبس على أوّل صور ثابتة
في 1840 م سجّل الأمريكي صمويل مورس اختراعه للبرق الكهربائي
في 1866 م وصل أوّل كبْل بَرْق أوروبا بأمريكا الشماليّة عبر المحيط الأطلسي
في 1876 م سجّل ألكسندر جراهام براءة اختراع الهاتف
في 1877 م طوّر توماس أديسون أوّل فونوغراف عملي
ثمانينات القرن 19 م اكتشف الألماني هينريتش هرتز الموجات الكهرومغنطيسيّة
في 1895 م طوّر الإيطالي ماركوني التلغراف اللاسلكي الرّاديو
في 1929 م قام الفيزيائي الرّوسي زوريكين بتشغيل نظام تلفازي إلكتروني
في 1960م " أيكو1" أوّل قمر صناعي يلتقط إشارات البثّ الإذاعي ليعكسها إلى الأرض
في 1974 م تمَّ إرسال أوّل برقيّة بوساطة الأقمار الصّناعيّة
بداية الثمانينات من القرن 20 بدأت عدّة شركات تسويق الهواتف الخلويّة المتحرّكة
بداية من التسعينات انطلاق شبكة الأنترنيت
هذه أهمّ المحطّات في تاريخ الاتصالات ، أهوْكَ ما صعِّبْتش عليك باش تحفظ درسك مليح
سي عمّار ، كي ما فمَّـة حتـَّى عربي في القايمة مَاوْ سَيـِّبْ الخـِزّ خـَلـِّي العباد تعبّر و تتنفـِّس

11 commentaires:

ولد بيرسا a dit…

ههههههههههه
عمّار جنّو و جنونو مالإتّصالات... يكره التّواصل في الدّم
و بما أنّك جبدت التّاريخ، في بعض الرّوايات قيل أنّو عمّار تولد عام 404 قبل الميلاد، عام سقوط أثينا :-))) و قيل زادا في روايات أخرى أنّو عامتها (عام 404 الأحرف المشوم) عمّار شارك في تطييح الجدران العظيمة الشّهيرة متاع اليونان الّي رجال ماهي رجال عدّات عمرها تبني فيهم..... هاذاكا علاش الرّاجل طلع متمرّس مليح في التّسكير و التّكسير و الهدم و قصّان الرّيوس و التّجوليف و التّقوعير و و الحشّان، و و و و .......ـ

chanfara a dit…

@ wallada
ياسر حلو درس التاريخ يا ولادة
هههه
أما زعمة يفهم عمار؟؟؟

@ ولد بيرسا

ههههههه

يطلعش قاري عند سقراط و قالب الفيستة، أما يطلع منو عمار

هههه

WALLADA a dit…

ولد بيـرسا

رجّعـتـُه للإغريق ضربة وحدة ؟ يطلعش زُمْـبـِي هاك الّي اللّه معافينا موتى حيين هههههههه


شنفرى

آش نعمل ؟ ماوْ التعليم في دمّي
أما مع عمّار إنشاء اللّه لربّي و برّه ههههههههه

HNANI a dit…

يا جماعة فاش تحكيو؟يظهرلي عمار ثقافتو بيزنطية

Khanouff a dit…

Tout à fait.
http://tnkhanouff.hautetfort.com/

Werewolf a dit…

حتى أنا يا ولادة يظهرلي فيك تحكي بالصعيب و عمّار ثقافتو مقصّية تي يمشيش يزيد يضبّع و يدخل فيها صحري و بحري

WALLADA a dit…

هناني - khanouff - werewolf


شبيكم جايين مـخـّرْ للقسم ؟ و من بعد تقولو كيفاش عمّار ينجح ؟
مالصّباح و هو شادد الطاولة الأولى أما يا ذنوبي كان فهم

HNANI a dit…

عمار يجي بكري على خاطر جاي يحب يحكي معاك راس راس و يقوّد بينا ، ماهو هذيكا خدمتو هههه
موش هكا زعما؟؟؟

Adem Salhi a dit…

ملاحظة بركة عمار راهو ما يفهمش بالعربي؛ اما اهوكا يتبع في الحس او برة؛ اللي يكثر من الحس يقص عليه الضو
هههههههههه

WALLADA a dit…

أيا مرحبا سي آدم كي شرّفتنا بالزّيارة أخيرا

في ما يخصّ عمّار ، تقول أنت يلزم نعملوله بوطبيلة باش يفطن ؟ ههههه

أنا يظهرلي قصّانه للمدوّنات كي الفاتورة التقديريّة متاع الستاغ وين جات لا جات

Adem Salhi a dit…

الى ولادة
علاه أخيرا؟؟ آخي اول مرة نخلي تعليق؟ والله نسخايل روحي مانيش جديد عليك اما ماني انا بيدي مازلت كي رجعت قعدت مدة نقرا او نصوت ساعات اكاهو؛
تحياتي