samedi 6 septembre 2008

تضامنا مع مدوّنة الناقد المحجوبة نواصل لعبة التشنشينات

هذه مبادرة أردناها تضامنا مع الصّديق أبو ناظم إثر حجب مدوّنته"النـّاقد" سنواصل نشر الألغاز التي بدأ بنشرها وفق المنهج الذي ارتآه إثباتا منـَّا للقائمين على الحجب أنّنا متضامنون و لا تغرُّه بنا الاختلافات مهما احتدمت ، مع شكر خاصّ للصديق برباش على تعاونه وتقديم يد المساعدة
حلّ اللّغز الثالث : الصلوات الخمس
و على برباش أن يتثبّت في المدوّنين الذين وجدوا الحلّ
اللـّغز الرّابع
على راجل بلاش جسم و فيه أثناش إسم
سبعة و ثلاث مِيَّة و خمسة ستـّين قسْم

7 commentaires:

mariouma a dit…

saha chribtek
miselech ken enbalbazha? :)
yatla3chi el3am, l'année?

WALLADA a dit…

مريومة

صحّة شريبتك زادة
أنت حضورك ينوّرني ماهوش تبلبيز
أما الحلّ توّة تعرفه غدوة

chiheb12 a dit…

ولاّدة يعطيك الصّحة في أخذ مشعل التّشنشينات من النّاقد بعد ما كرّز على عمّار وأضرب على التّدوين .
أشاركك الحلّ كيف ماقالت مريومة هو السّنة

HNANI a dit…

صحة شريبتكم واشنوا أحوالكم، أنا راهو رمضان بعّدني شويا عليكم، اتوحّشتكم
حل اللغز صعيب
كان على العام فيه 12 شهر و 365 يوم، لكن السبعة ما فهمتهاش
هي السبعة راهي ولّات أصعب حاجة في كل حكاية
أيا تصبحوا على خير

البرباش a dit…

لا شكر على واجب ولاّدة... ما عملت شي

الحل كيف ما قالوا الجماعة: العام

ولد بيرسا a dit…

ولد بيرسا متضامن زادا مع النّاقد
معا ضدّ الحجب
ضدّ القمع
ضدّ الرّجعيّة
ضدّ الجبن
ضدّ عمّار

(و من بعد مشاكلنا تو نحلّوهم بين بعضنا)ـ

komingtone a dit…

Solidaire avec tous les censurés et de tout bords.
Et j'attends la clé de cette énigme :)
http://tnkhanouff.hautetfort.com/