التشنشينة السّــابعة

الجماعة الكلّ طلّعو حلّ اللـّغز السّادس و هو الإبرة و الخيط

و لكن أوّل مدوّن كان سبّاق للحلّ هو أرتيكولي و لو أنّي عندي عليه تحفـّظ صغيّر هو أنّه قدّم الحلّ في شكل تساؤل و كأنّه موش متأكـّد أما برّه بركة هاني عملت روحي ماريت شيء و لكن ماذا بينا الحكاية ما تتكرّرش ، الحلّ يلزمه يتقدّم بكلّ إثبات

راني مانيش خوكم أبو ناظم أنا الرّحمة لا هههههه

أيا آهوَّ اللـّغز الشـَّابع آه سامحوني السَّابع

عبد الصّمد [مانعرفش أشكونو عبد الصّمد هذا] المهمّ

عبد الصّمد قال إسمعوني ... بتحقاقْ

عَلـِّي ما هو نـْبَاتْ ..و هو مْعبـِّي بالأوراقْ

و ما هو حيوان أما لابسْ جـِـلدْ بَرَّاقْ

و ما هو مُعلـّم لكن يعلـِّم في الأخلاقْ