lundi 15 septembre 2008

التشنشــينـة التـّــاسعـــة

يا قوْم يا مَعشرَ المدوّنين ، صحّة شريبتكـم
و في رواية أخرى : صَوْمًا مقبُولا و إفطارًا شهِيًّا ، الأولى مانيش متأكّدة منها أما الثانية أنا واثقة أنّه إفطاركم كان شهيّ و أنّكم غطستو للعنكوش .

يا سيدي الجماعة بدَاوْ يبَنـدْلو و يرخـُّو قالّك بديتْ نصَعِّبْ ، إمَّالا كيفاش ؟ نقعدُو ديما نلعبُو؟ و كانكم ناويين على الاحتمالات ، هكّاكة عاد عليكم بقناتكم التلفزيّة طيّبة الذكر، في التشنشينة الثامنة ثلاثة مدوّنين فقط شاركو بحلّ و واحد منهم بَرْكة هدَاه مُخـُّه للصّحيح و هو صديقنا براستوس إلـِّي قدّم الحلّ بضْمَارُه المُعتاد . و الحلّ كان : البحر

أيا هذا اللّغز التاسع و حِلّولي عينيكم مليح ماكانش والـِّي خلقكم و صوّركم نجيبلكم المِدِّبْ متاع الماريشال عمَّار موش عزيزنا و حُشاشة فؤادنا عمّار متاعنا



الـلـُّغز التـَّاسع



حَـــامِـلْ و مَـحْـمُــولْ نـُصّ شـَـايِـحْ و نـُصّ مَـبْـلـُولْ

11 commentaires:

الحلاج الكافي a dit…

أظنّ انها السّـــفــيــنــة و إلا لآ ؟؟؟؟

kacem a dit…

الكـــــانوطة
يا ولادة
بالعربي الفلوكة

kacem a dit…

البابور يا سي الجلاّج ...البابور إلي هــــز رقية عرفتو ...يعني مت فيهاش الحكــــــــاية ظن ....

الحلاج الكافي a dit…

أيه الحمد لله يا سي قاسم اللي المحاولة طلعت صحيحة

Anonyme a dit…
Ce commentaire a été supprimé par l'auteur.
Anonyme a dit…

هذي ساهلة جدا:إمرأة حامل في يدها محمول (بورتابل) حاطة ساقيها في سطل ماء ! :-))

HNANI a dit…

أنا انقول كرهبة هاززها الماء متاع المطر
ديمة انشوفها في التلفزة وقت ماتصب المطر خاصة في وسط العاصمة

Werewolf a dit…

يا حلاج رغم اللي إجابتك صحيحة ماكش باش تربح على خاطرك بديتها بكلمة "أظن"... أول شرط للمشاركة هو الثقة في النفس و إلا آش قالت ولادة؟
المشكلة بالطبيعة اللي الفائز يولّي قاسم معناها حتّى كي يـخلط امّخّر ديما مزهرتلو...الفرسيون متاع أمي هناني ياسر منطقية زادة
:)

WALLADA a dit…

werewolf

موش باهي راهو تشعيل النّار في رمضان ههههههههه

أنا طـُحْت للمصروف و عدِّيتها لأرتيكولي قبل ، من باب العدل نعدِّي للحلاّج زادة هذا إذا كان إجابته صحيحة ، أهوْك كلّ واحد عنده الحقّ في زلقة وحْدَة هههههههه

استغلّو الفرصة مادام التشنشينات ساهلة خاطر الجيْ كاسح

الحلاج الكافي a dit…

يحيا العدل..على ثمّة أشْــكون يعرف ربّي و ما ياكلش حق العباد....في شــهر سيدي رمضــــان

Werewolf a dit…

هو من ناحية العدل ما عندكش حق في الجايزة أما ماخذة بالخاطر و أكهو سامحتك ولادة... على كل مبروك عليك و المرة الجايّة رد بالك
:)))