samedi 20 septembre 2008

اللّغـــز الثـَّـاني عشـــر ساهل على خاطر هناني

يعطيكم الصحّة ، المرّة هذه قدِّيتـُو رواحكم حتّى هناني هههههههههه طلعت هبطت ، شربت قهوة ، تحلّت عينيها ، هي لا محالة تكوخرت و وَلاّت تخلّط بين التدوينات و تعليق هوني تحُطُّو غادي ، أما على كلّ حاولت . و إلـِّي جاب الحلّ الصّحيح عن جدارة و باقتدار مذهل هو صديقنا الحلاّج ، إلّي نقلـُّو كمّل حلّ ثالث و تفوز بالجائزة الكبرى أمَا باللّه خلـِّي أختك هناني تحاول شويّة و ما تسكّرش عليها اللّعب فيسع و هاني باش نزيد نسهّل على خاطرها و برَّه قولو عاد ولاّدة متضامنة مع بنات جنسها
نستسمح أبو ناظم في إنّي نغيّر شويّة في مضمون الألغاز ، ظهر تفسير الشعر الشعبي كاسح على الجماعة ، قلت خلّي نعملو ضربات شعر بالفصحى
اللّغز الثاني عشر
أكمِلْ عجز البيت التالي و اذكـُرْ قائله
خـَلِـيلـُكَ أنتَ لا مَنْ قـُلتَ خِـلـِّي
العجز:......................................و اسم الشاعر

8 commentaires:

ولد بيرسا a dit…

و إن كثر التّجمّل و الكلام

-المتنبّي ـ

ولد بيرسا a dit…

أوففففففففففففففف
هاني خلطت في الوقت المرّة هاذي
:-)))))
مستانس الحلاّج الحكاية مازالت ما هبطتش و هو يجاوب عليها

أيّا الحمد الله كيف خلّيتلنا معاك قسيّم

ولد بيرسا a dit…

سامحني يا هناني أما حبّيت ناكل معاكم خبيزة
ها الحلاّج هاذا كاسح برشا و يلزم الواحد يفيقلو

أيّا نهاركم زين و شاهية طيّبة

الحلاج الكافي a dit…

يعطيك الصحّــة يا ولد بيرسا...ان شالله مرّة أخرى يا هناني و فيق شوية و ألاّ آكهو رمضنت؟؟؟؟

Werewolf a dit…

أنا عندي الثقة في ولد بيرسا و ثقافتو الشعرية أما بربي ما عادش يا ولادة تحطلنا سؤال إجاتو ساهلة باستعمال الغوغل...يلزم الواحد يعصر مخو باش يلقاها... ما تقولوليش شبيك تنبّر الله غالب طريقة من طرق تقصير الوقت
:)))

Werewolf a dit…

أمي هناني يلزمها قهوة باش تفيق... كان يوليوا التشنشينات يتنشروا بعد شقان الفطر ما عادش ناكلوا معاها شي
:)))

WALLADA a dit…

werewolf

سيدي كي اللغز هذا ساهل ، وينك في لغز الشاعر الشعبي البرغوثي ؟

HNANI a dit…

شيء قد ما قطّرت زهر باقي ناقصة، ليلة اللغز الساهل ، يخطرلي باش نخرج نمشي نعمل دورة وانشم الهواء
على كل ياخو بخاطرك و ان شاء الله الليلة الجاية، انجيبها انجيبها