التشنشينة السّادســـة

المدوّنين و المدوّنات إلـّي شاركو في اللـّغز الخامس ظهرو مراجعين دروسهم مليح و طلـّعو الحلّ على الأقلّ معظمهم و الحلّ هو : المدوّنة أو كلّ ما عنده علاقة بالأنترنيت .

و لكن باش كلّ واحد ياخذ حقـّه قــــاسـِــــمْ هو أوّل مدوّن لقى الحلّ

و توّة إليكم التشنشينة السّادسة

كـَانـِك قارِي و فطـِينْ نـْبـِينـِي على إخوَة ثنينْ

هِيَ بلا رَاسْ و فيها عِينِ و هُوَ أعْمَى لكن بْرَاسـِينْ