التشنشينــــــة الثـامنــة

أيا صَحَّـة شريبتكم

أيا سيدي الحلّ للـّغز السّابع صحيح هو الكتاب و سي أرتيكولي المرّة هذه جاب الحلّ عن جدارة

و اللّه حبّيت نهرب من التشنشينات و نرجّعهم لمولاهم خاصّة بعد ما رجعلنا بمدوّنة جديدة تعمل الكيف ياخي ظهر سي أبو ناظم استحلى الرّاحة ، يا ولدي في طولك في عرضك راهو المكتب رجع و باش نرجع نقرِّي و راحة الصّيف وفات ، قالـِّك ما نفهم شيْء

إمَّالا كي هي عمْلتي و عملتها بيدَيَّ هايْ التشنشينة الثامنة

كانـِكْ قارِي و فهَّامْ و تـَقرَا كنوز الأسْرَارْ

نبـِيني عَلـِّي يَحْمل كلّ أوْزانْ و ما يَقدِرْ يحمل مُسْمَارْ