lundi 29 septembre 2008

حلّ اللّغــز الأخيــر و شكـــــر خـــاصّ


صحّة شريبتكم

مرّة أخرى و نهائيًّا نقول مبروك لصديقنا الحلاّج على مشاركاته المتميّزة في تشنشينات رمضان و إنشاء اللّه ما تطلعش الجائزة قـَرْعَة هههههههه ، آهوْكَ بَرباش هو المسؤول ، كان دار في الحْيَاصَة إشكي بيه لعَمَّارْ ههههههه

حَبِّيتْ نقدّم شكر خاصّ لصديقي أبُو ناظم صاحب الفكرة الأولى و المبادرة و إلّي سَلـِّمْلـِي التشنشينات
و إنشاء اللّه كنت أدّيت المهمّة كيما حبّ هو و إنشاء اللّه كنت خفيفة الظلّ على أصدقائي المدوّنين إلّي شرّفوني بالزيارة و المشاركة و التعليق . فرحانة برشة بصداقتكم و هذا أوّل عام نعَيِّدْ في جوّ دافي بالصّحْبَة الصّادقة

و أخيرا نقلّكم عيدكم مبروك و سنين دايمة و كلّ عام و أنتوما حَيّين بخير

5 commentaires:

abunadem a dit…

شكرا اختي ولادة
على التزامك وعلى قبولك توريطتي ليك على مدى شهر كامل تقريبا رغم التزاماتك
ان شاءالله العام الجاي نعاودوها احسن وبالتنسيق مع برباش وما يفسدش علينا سي عمار جونا
الكلمة للبرباش توا هو اللي بدا المسلسل ووحلناه في جائزة التشنشينات .
وان شاءالله عيدكم مبروك الناس الكل

الحلاج الكافي a dit…

شكرا الأخت ولادة على قبولك تأثيث مساحة الألغاز و التتشنشينات لمدة شهر كامل و شكرا للصديق ابو ناظم و البرباش و ولد بيرسا و قاسم و الأخت هناني وعمروش وWerewolf و كل الأصدقاء الذين لا أستحضر أسماءهم
المهم ليست الجائزة التي أتنازل عليها إختيارا المهم ان تكون السنة المقبلة أحسن كما قال ابو ناظم و تكون الحلقة أكبر...
وعيدكم مبروك و كل عام و انتم حييين بخير و صحة جيدة

HNANI a dit…

عيدك مبرك يا ولّادة الأندلسية العزيزة
العام هذا هاني شاركت و خذيت بونتو واحد فكيتو لعمروش وربي يحيينا بخير العام الجاي يكون صابة بالتشنشينات و هاني باش نبدى انحظّر في درسي من توا باش نربحههههه
شكرا

WALLADA a dit…

شكرا جزيلا
أبو ناظم-الحلاج-هناني- و توفيق الصغير

brastos a dit…

اولا عيدك مبروك يا ولاده
ثانيا بالعكس كنت خفيفة الظل برشه .. و العام الجاي شوفلنا حاجه صعيبه شوي على مخ الحلاج باش ناكلو معاه خبيزه
ههههههههه